A joint Tehillim read, each one reads one chapter and together we complete the Sefer Tehillim

לפרנסת ליאורה לאה בת מאיה

In this project 1 chapters read until now.

Chapter קכז
{א} שִׁיר הַֽמַּֽעֲלוֹת לִשְׁלֹמֹה אִם יְהוָה לֹא יִבְנֶה בַיִת שָׁוְא עָמְלוּ בוֹנָיו בּוֹ אִם יְהוָה לֹֽא יִשְׁמָר עִיר שָׁוְא שָׁקַד שׁוֹמֵֽר: {ב} שָׁוְא לָכֶם מַשְׁכִּימֵי קוּם מְאַֽחֲרֵי שֶׁבֶת אֹכְלֵי לֶחֶם הָעֲצָבִים כֵּן יִתֵּן לִֽידִידוֹ שֵׁנָֽא: {ג} הִנֵּה נַחֲלַת יְהוָה בָּנִים שָׂכָר פְּרִי הַבָּֽטֶן: {ד} כְּחִצִּים בְּיַד גִּבּוֹר כֵּן בְּנֵי הַנְּעוּרִֽים: {ה} אַשְׁרֵי הַגֶּבֶר אֲשֶׁר מִלֵּא אֶת אַשְׁפָּתוֹ מֵהֶם לֹֽא יֵבֹשׁוּ כִּֽי יְדַבְּרוּ אֶת אוֹיְבִים בַּשָּֽׁעַר: