A joint Tehillim read, each one reads one chapter and together we complete the Sefer Tehillim

לרפואת פנינה פלינה פסי בת רחל

In this project 4 chapters read until now.

Chapter ה
{א} לַמְנַצֵּחַ אֶֽל הַנְּחִילוֹת מִזְמוֹר לְדָוִֽד: {ב} אֲמָרַי הַאֲזִינָה יְהוָה בִּינָה הֲגִֽיגִי: {ג} הַקְשִׁיבָה לְקוֹל שַׁוְעִי מַלְכִּי וֵאלֹהָי כִּֽי אֵלֶיךָ אֶתְפַּלָּֽל: {ד} יְֽהוָה בֹּקֶר תִּשְׁמַע קוֹלִי בֹּקֶר אֶֽעֱרָךְ לְךָ וַאֲצַפֶּֽה: {ה} כִּי לֹא אֵֽל חָפֵץ רֶשַׁע אָתָּה לֹא יְגֻרְךָ רָֽע: {ו} לֹֽא יִתְיַצְּבוּ הֽוֹלְלִים לְנֶגֶד עֵינֶיךָ שָׂנֵאתָ כָּל פֹּעֲלֵי אָֽוֶן: {ז} תְּאַבֵּד דֹּבְרֵי כָזָב אִישׁ דָּמִים וּמִרְמָה יְתָעֵב יְהוָֽה: {ח} וַאֲנִי בְּרֹב חַסְדְּךָ אָבוֹא בֵיתֶךָ אֶשְׁתַּחֲוֶה אֶל הֵֽיכַל קָדְשְׁךָ בְּיִרְאָתֶֽךָ: {ט} יְהוָה נְחֵנִי בְצִדְקָתֶךָ לְמַעַן שׁוֹרְרָי (הושר) הַיְשַׁר לְפָנַי דַּרְכֶּֽךָ: {י} כִּי אֵין בְּפִיהוּ נְכוֹנָה קִרְבָּם הַוּוֹת קֶֽבֶר פָּתוּחַ גְּרוֹנָם לְשׁוֹנָם יַחֲלִֽיקוּן: {יא} הַֽאֲשִׁימֵם אֱֽלֹהִים יִפְּלוּ מִֽמֹּעֲצוֹתֵיהֶם בְּרֹב פִּשְׁעֵיהֶם הַדִּיחֵמוֹ כִּי מָרוּ בָֽךְ: {יב} וְיִשְׂמְחוּ כָל חוֹסֵי בָךְ לְעוֹלָם יְרַנֵּנוּ וְתָסֵךְ עָלֵימוֹ וְֽיַעְלְצוּ בְךָ אֹהֲבֵי שְׁמֶֽךָ: {יג} כִּֽי אַתָּה תְּבָרֵךְ צַדִּיק יְהוָה כַּצִּנָּה רָצוֹן תַּעְטְרֶֽנּוּ: