Link to enter and share this project:
http://tehilon.hebapps.co.il/?do=tehilonProject&project_id=1132
* Long click for copy and sharing options
A joint Tehillim read, each one reads one chapter and together we complete the Sefer Tehillim
לרפואת נועם בן אביטל
Chapter יא
{א} לַמְנַצֵּחַ לְדָוִד בַּֽיהוָה חָסִיתִי אֵיךְ תֹּאמְרוּ לְנַפְשִׁי (נודו) נוּדִי הַרְכֶם צִפּֽוֹר: {ב} כִּי הִנֵּה הָרְשָׁעִים יִדְרְכוּן קֶשֶׁת כּוֹנְנוּ חִצָּם עַל יֶתֶר לִירוֹת בְּמוֹ אֹפֶל לְיִשְׁרֵי לֵֽב: {ג} כִּי הַשָּׁתוֹת יֵֽהָרֵסוּן צַדִּיק מַה פָּעָֽל: {ד} יְהוָה בְּֽהֵיכַל קָדְשׁוֹ יְהוָה בַּשָּׁמַיִם כִּסְאוֹ עֵינָיו יֶחֱזוּ עַפְעַפָּיו יִבְחֲנוּ בְּנֵי אָדָֽם: {ה} יְהוָה צַדִּיק יִבְחָן וְרָשָׁע וְאֹהֵב חָמָס שָֽׂנְאָה נַפְשֽׁוֹ: {ו} יַמְטֵר עַל רְשָׁעִים פַּחִים אֵשׁ וְגָפְרִית וְרוּחַ זִלְעָפוֹת מְנָת כּוֹסָֽם: {ז} כִּֽי צַדִּיק יְהוָה צְדָקוֹת אָהֵב יָשָׁר יֶחֱזוּ פָנֵֽימוֹ:
